- アルバムの紹介
- 歌詞
- アルバムリスト
- 歌手の紹介
榕幫
-
爬佮行
作詞:詹士賢、李家昀、林奕碩 作曲:詹士賢、林奕碩
袂曉爬 踮塗跤躽 阿爸甲歸身軀汗 袂曉行 險險跋倒 佳哉我有阮阿爸咧顧
你四界走傱袂喝忝 食好食䆀毋捌嫌 毋是你的你袂共人占 認份趁食是考驗
一个老爸顧一个囝 戇戇仔爬 硞硞行 日日夜夜 共阮晟 爸仔囝的緣分 是天注定
賜阮食 賜阮蹛 有你陪伴有你牽教 人生路 有你來安排 你的教示阮囥佇心內
毋通租厝逐年搬 戇戇仔做厝跤 事業就愛較拍拚 某毋就較緊娶
一个老爸顧一个囝 固執咧爬 認命咧行 日日夜夜 共阮晟 爸仔囝的緣分 是天注定
阿爸 我了解 這一切攏是為著我 但是 時代已經無仝 較早的觀念這馬袂通啊 不過 我答應你 我會共你照顧 一定袂予你失望啦!
為著將來愛拍算 工課無順小吞忍 有閒就愛轉來食飯 當時通予我抱孫
一个老爸顧一个囝 固執咧爬 認命咧行 日日夜夜 共阮晟 阿爸 望你知影 我的人生路愛家己行
------------------------------------------
22659/《爬佮行》Pê Kah Kiânn 榕幫樂團Iông-pang Ga̍k-thuân
袂曉爬 buē-hiáu pê 踮塗跤躽 tiàm thôo-kha nuà 阿爸𤆬甲規身軀汗 a-pa tshuā kah kui-sin-khu kuānn 袂曉行 buē-hiáu kiânn 險險仔跋倒 hiám-hiám-á pua̍h-tó 佳哉我有阮阿爸咧顧 ka-tsài guá ū gún a-pa teh kòo
你四界走傱 lí sì-kè tsáu-tsông 袂喝忝 buē huah thiám 食好食䆀 tsia̍h hó tsia̍h bái 毋捌嫌 m̄-bat hiâm 毋是你的 m̄-sī lí ê 你袂共人占 lí buē kâng tsiàm 認份趁食是考驗 jīn-hūn thàn-tsia̍h sī khó-giām
啊~一个老爸 ah~ tsi̍t-ê lāu-pē 顧一个囝 kòo tsi̍t-ê kiánn 戇戇仔爬 gōng-gōng-á pê もっと沢山の歌詞は ※ Mojim.com 硞硞行 kho̍k-kho̍k kiânn 啊~日日夜夜共阮晟 ah~ ji̍t-ji̍t-iā-iā kā gún tshiânn 爸仔囝的緣份 pē-á-kiánn ê iân-hūn 是天註定 sī thinn tsù-tiānn
賜阮食 sù gún tsia̍h 賜阮蹛 sù gún tuà 有你陪伴有你牽教 ū lí puê-phuānn ū lí khan-kà 人生路 jîn-sing lōo 有你來安排 ū lí lâi an-pâi 你的教示 lí ê kà-sī 阮囥佇心內 gún khǹg tī sim-lāi
毋通稅厝逐年搬 m̄-thang sèr-tshù ta̍k-nî puann 戇戇仔做厝跤 gōng-gōng-á tsò tshù-kha 事業著愛較拍拚 sū-gia̍p tio̍h-ài khah phah-piànn 某毋著較緊娶 bóo m̄-tio̍h khah-kín tshuā
啊~一个老爸 ah~ tsi̍t-ê lāu-pē 顧一个囝 kòo tsi̍t-ê kiánn 固執咧爬 kòo-tsip teh pê 認命咧行 jīn-miā teh kiânn 啊~日日夜夜共阮晟 ah~ ji̍t-ji̍t-iā-iā kā gún tshiânn 爸仔囝的緣份 pē-á-kiánn ê iân-hūn 是天註定 sī thinn tsù-tiānn
阿爸 a-pah 我了解 guá liáu-kái 這一切攏是為著我 tse it-tshè lóng-sī uī-tio̍h guá 但是時代已經無仝 tān-sī sî-tāi í-king bô-kāng 較早的觀念 khah-tsá ê kuan-liām 這馬袂通矣 tsit-má bē-thong--ah 毋過我答應你 m̄-koh guá tah-ìng lí 我會共你照顧 guá ē kā lí tsiàu-kòo 一定袂予你失望啦 it-tīng buē hōo lí sit-bōng--lah
為著將來愛拍算 uī-tio̍h tsiong-lâi ài phah-sǹg 工課無順小吞忍 khang-khuè bô-sūn sió thun-lún 有閒著愛轉來食飯 ū-îng tio̍h-ài tńg-lâi tsia̍h-pn̄g 當時通予我抱孫 tang-sî thong hōo guá phō-sun
啊~一个老爸 ah~ tsi̍t-ê lāu-pē 顧一个囝 kòo tsi̍t-ê kiánn 固執咧爬 kòo-tsip teh pê 認命咧行 jīn-miā teh kiânn 啊~日日夜夜共阮晟 ah~ ji̍t-ji̍t-iā-iā kā gún tshiânn 阿爸 a-pah 望你知影 bāng lí tsai-iánn 我的人生路 guá ê jîn-sing lōo 愛家己行 ài ka-kī kiânn
- W.B. Chen の歌詞訂正に感謝
- ウェブリンク: W.B. Chen
|