- 歌詞
- アルバムリスト
- 歌手の紹介
新寶島康樂隊
-
豬血湯
彩色的世界 黑白人生 來吃阿多仔的漢堡 彩色的世界 黑白人生 美國來的攏卡獒
我不是要和你計較 嘿美國來的物 甘有影卡獒 看你沒錄用的東西吞這多 頭毛遂變紅紅眼神空空 嘿不是甲按呢耳耳 那東洋來的物聽說也真(女男女) 甘無聽人說伊是哈日族 相邀來抬轎 喔吃麵喊燒
O I Yan O I Ya Na Ya O Hai Ya Na 莫踮這故人怨鬥陣來逛夜市
彩色的世界 黑白人生 來吃阿多仔的漢堡 彩色的世界 黑白人生 美國來的攏卡獒
彩色的世界 美麗人生 踮在寶島是真正好 彩色的世界 快樂人生 要吃好味的別驚無
還是吃這氣氛卡夠 泡菜和臭豆腐 閣一碗麵線糊 那有肉圓正在沖煙順勢來 燒燒的貢丸湯半罐的胡椒粉 炕室炕在這款頭湯 四神那炕有爛 才市政港獒 吶是想到廟仔口的鼎邊銼 趁燒來食一碗是正港浪漫
O I Yan Hai Ya Na Hai Ya Ho Hai An 寶島美味喔歡喜到要吹口哨
還有新竹的米粉湯 刈菜雞通好是頭份 要吃米糕大甲要問 老鼠麵彰化真正準 來到鹿港有雞捲 北斗的肉園是系系振 嘉義的青蚵仔不用煎 台南的棺材板拿來食 鴨肉麵高雄口水吞 六合夜市有滷肉飯 隔壁那攤是豬血湯 要吃乎伊勇就雞南佛 這也要...那也要...這也要..... 清涼降火是綠豆湯
彩色的世界 快樂人生 要吃好味的免驚無
還是吃這氣氛卡夠 泡菜和臭豆腐 閣一碗麵線糊 那有肉圓正在沖煙順續來 燒燒的貢丸湯半罐的胡椒粉
O I Yan na I Ya Na Yo Hai An 寶島美味喔歡喜到要吹口哨
屏東的肉粽真出名 萬巒豬腳你不曾聽 美濃的粿仔拼性命 好吃的肉羹滿山坪 台東有扁食你不知影 花蓮排骨酥來一碗 宜蘭的吻仔魚羹沒摻砂 來到礁溪順續洗溫泉
o.s (緣投的 啊閣有佗位沒吃到 ㄟ... 漂泊的啊 我看喔是永遠攏吃不完了啦) 這攤吃才閣再來一攤 美麗的人生來作伴
彩色的世界 美麗人生 那要閣推就鬥陣行
彩色的世界 黑白人生 來吃阿多仔的漢堡 彩色的世界 黑白人生 美國來的攏卡獒
彩色的世界 黑白人生 來吃阿多仔的漢堡 彩色的世界 黑白人生 美國來的攏卡獒
------------------------------------------
《豬血湯》Ti-hueh-thng 陳昇Tân Sing 新寶島康樂隊 Sin Pó-tó Khong-lo̍k-tuī
彩色的世界 tshái-sik ê sè-kài 烏白人生 oo-pe̍h jîn-sing 來食阿啄仔的漢堡 lâi tsia̍h a-tok-á ê hàn-bǎo 彩色的世界 tshái-sik ê sè-kài 烏白人生 oo-pe̍h jîn-sing 美國來的攏較獒 Bí-kok lâi ê lóng khah gâu
我毋是欲佮你計較 guá m̄-sī beh kah lí kè-kàu 彼美國來的物 he Bí-kok lâi ê mn̍gh 敢有影較𠢕 kám ū-iánn khah gâu 看你無路用的物件吞遮濟 khuànn lí bô-lōo-iōng ê mi̍h-kiānn thun tsiah tsuē 頭毛煞變紅紅眼神空空 thâu-moo suah piàn âng-âng gán-sîn khang-khang 彼毋是干焦按呢爾爾 he m̄-sī kan-na án-ne niā-niā 彼東洋來的物聽講也真嬈 he Tang-iûnn lâi ê mn̍gh thiann-kóng iā tsin hiâu 敢無聽人講伊是哈日族 kám bô thiann lâng kóng i sī hārìzú 相招來扛轎喔食麵喝燒 sio-tsio lâi kng-kiō--ooh tsia̍h mī huah sio
oo i ian oo i ia na ia oo hai ia na 莫蹛遮顧人怨 mài tuà--tsia kòo-lâng-uàn 鬥陣來去踅夜市仔欸 tàu-tīn lâi-khì se̍h iā-tshī-á--eh
彩色的世界 tshái-sik ê sè-kài 烏白人生 oo-pe̍h jîn-sing 來食阿啄仔的漢堡 lâi tsia̍h a-tok-á ê hàn-bǎo 彩色的世界 tshái-sik ê sè-kài 烏白人生 oo-pe̍h jîn-sing 美國來的攏較𠢕 Bí-kok lâi ê lóng khah gâu
彩色的世界 tshái-sik ê sè-kài 美麗人生 bí-lē jîn-sing 踮咧寶島是真正好 tiàm teh Pó-tó sī tsin-tsiànn hó
彩色的世界 tshái-sik ê sè-kài 快樂人生 khuài-lo̍k jîn-sing 欲食好味的免驚仔無 beh tsia̍h hó-bī--ê bián-kiann-á bô
猶是食這氣氛較夠 iáu-sī tsia̍h tse khì-hun khah kàu 泡菜佮臭豆腐 phàu-tshài kah tshàu-tāu-hū 閣一碗麵線糊 koh tsi̍t-uánn mī-suànn-kôo もっと沢山の歌詞は ※ Mojim.com 猶有肉圓當咧衝煙順紲來 iáu-ū bah-uân tng-leh tshìng-ian siūnn-suà lâi 燒燒的貢丸湯半罐的胡椒粉 sio-sio ê kòng-uân-thng puànn-kuàn ê hôo-tsio-hún 𠢕是𠢕咧這款湯頭 gâu sī gâu leh tsit khuán thng-thâu 彼四神若炕有爛 he sù-sîn nā khòng ū nuā 才是正港𠢕 tsiah sī tsiànn-káng gâu 若是想著廟仔口的鼎邊趖 nā-sī siūnn-tio̍h biō-á-kháu ê tiánn-pinn-sô 趁燒來搩一碗是正港𡳞蔓 thàn-sio lâi kiat tsi̍t-uánn sī tsiànn-káng lān-muā
oo i ian oo i ia na ia oo hai ia na 寶島的美味啊歡喜甲呼噓噓仔欸 Pó-tó ê bí-bī--ah huann-hí kah khoo-si-si-á--eh
猶有新竹的米粉湯 iáu-ū Sin-tik ê bí-hún thng 覆菜雞緟好是頭份 phak-tshài-ke thōng hó sī Thâu-hūn 欲食米糕大甲愛問 beh tsia̍h bí-ko Tāi-kah ài mn̄g 鳥鼠仔麵彰化真正準 niáu-tshí-á-mī Tsiong-huà tsin-tsiànn tsún 來到鹿港有雞捲 lâi-kàu Lo̍k-káng ū kue-kńg 北斗的肉圓是爍爍顫 Po-táu ê bah-uân sī sih-sih-tsùn 嘉義的鮮蚵仔毋免煎 Ka-gī ê tshinn-ô-á m̄-bián tsian 台南的棺柴枋提來捽 Tâi-lâm ê kuann-tshâ-pang the̍h lâi sut 鴨肉麵高雄喙瀾吞 ah-bah-mī Ko-hiông tshuì-nuā thun 六合夜市仔有滷肉飯 Lio̍k-ha̍p iā-tshī-á ū lóo-bah-pn̄g 隔壁彼擔是豬血湯 keh-piah hit tànn sī ti-hueh-thng 欲食予伊勇就雞𡳞核 beh tsia̍h hōo i ióng tō ke-lān-hu̍t 這嘛欲 tse mā beh 彼嘛欲 he mā beh 啊這嘛欲 ah tse mā beh 清涼降火是綠豆湯 tshing-liâng kàng-hué sī li̍k-tāu-thng
彩色的世界 tshái-sik ê sè-kài 快樂人生 khuài-lo̍k jîn-sing 欲食好味的免驚仔無 beh tsia̍h hó-bī--ê bián-kiann-á bô
猶是食這氣氛較夠 iáu-sī tsia̍h tse khì-hun khah kàu 泡菜佮臭豆腐 phàu-tshài kah tshàu-tāu-hū 閣一碗麵線糊 koh tsi̍t-uánn mī-suànn-kôo 猶有肉圓當咧衝煙順紲來 iáu-ū bah-uân tng-leh tshìng-ian siūnn-suà lâi 燒燒的貢丸湯半罐的胡椒粉 sio-sio ê kòng-uân-thng puànn-kuàn ê hôo-tsio-hún
oo i ian oo i ia na ia oo hai ia na 寶島的美味喔歡喜甲呼噓噓仔欸 Pó-tó ê bí-bī--ooh huann-hí kah khoo-si-si-á--eh
屏東的肉粽真出名 Pîn-tong ê bah-tsàng tsin tshut-miâ 萬巒的豬跤你毋捌聽 Bān-bân ê ti-kha lí m̄-bat thiann 美濃的粿仔拚性命 Bi-long ê kué-á piànn-sìnn-miā 好食的肉羹是滿山坪 hó-tsia̍h ê bah-kinn sī muá suann-phiânn 台東有扁食你毋知影咧 Tâi-tang ū phián-si̍t lí m̄ tsai-iánn--leh 花蓮的排骨酥來一碗 Hua-lian ê pâi-kut-soo lâi--tsi̍t-uánn 宜蘭的魩仔魚羹無摻砂呢 Gî-lân ê but-á-hî-kinn bô tsham sua--neh 來到礁溪順紲洗溫泉 lâi-kàu Ta-khe siūnn-suà sé un-tsuânn
↓↓---(口白)---↓↓ 緣投的 iân-tâu--ê 猶閣佗位猶未點著的 iáu-koh tó-uī iáu-buē tiám--tio̍h-ê 欸...飄撇的啊 eh... phiau-phiat--ê-ah 我看乎 guá khuànn--honnh 是永遠攏食袂完矣啦 sī íng-uán lóng tsia̍h bē uân--ah-lah ↑↑---(口白)---↑↑
這攤食了過一攤 tsit thuann tsia̍h-liáu kuè tsi̍t-thuann 美麗的人生來做伴 bí-lē ê jîn-sing lâi tsuè-phuānn
彩色的世界 tshái-sik ê sè-kài 美麗人生 bí-lē jîn-sing 若欲閣推就鬥陣行 nā beh koh thui tō tàu-tīn kiânn
彩色的世界 tshái-sik ê sè-kài 烏白人生 oo-pe̍h jîn-sing 來食阿啄仔的漢堡 lâi tsia̍h a-tok-á ê hàn-bǎo 彩色的世界 tshái-sik ê sè-kài 烏白人生 oo-pe̍h jîn-sing 美國來的攏較獒 Bí-kok lâi ê lóng khah gâu
彩色的世界 tshái-sik ê sè-kài 烏白人生 oo-pe̍h jîn-sing 來食阿啄仔的漢堡 lâi tsia̍h a-tok-á ê hàn-bǎo 彩色的世界 tshái-sik ê sè-kài 烏白人生 oo-pe̍h jîn-sing 美國來的攏較獒 Bí-kok lâi ê lóng khah gâu
- W.B. Chen の歌詞訂正に感謝
- ウェブリンク: W.B. Chen
|